Cavab: İmam (r) və Xamenei: Mükafata xüms düşmür.

Fazil, Behcət və Məkarim: Vacib ehtiyata əsasən onun xümsü verilsin.

Nuri: Hədiyyə ünvanında olarsa xüms düşmür.

Təbrizi və Vəhid: Təxminən ilin sonunadək istifadə olunan və az dəyərli mal olarsa xüms düşmür. Digər hallarda xüms düşür.

Sistani: Yarısın imanlı fəqirə sədəqə vermək şərti ilə qalan yarı hissəni özünə mülk edə bilər. Əgər özünə mülk etdiyi yarı hissə xüms ilindən artıq qalarsa ona xüms verməlidir.

Safi: Xüms düşür.

Qeyd: Bank mükafatı bir növ bəxşiş hesab olunur.

Sual: 34. Quran və idman müsabiqələrində alınan mükafatlara xüms düşürmü?

Cavab: İmam (r), Xamenei və Nuri: Xeyr, xüms düşmür.

Fazil, Behcət və Məkarim: Vacib ehtiyata əsasən onun xümsü verilsin.

Təbrizi və Vəhid: Təxminən ilin sonunadək istifadə olunan və az dəyərli mal olarsa xüms düşmür. Digər hallarda xüms düşür.

Safi və Sistani: Xüms düşür.

Qeyd 1. Məsələ o hala aiddir ki, bir il keçsin və “məunə” (məfhumlar və terminlər bölməsinə müraciət edin) xərclərinə sərf olunmasın.

Qeyd 2. Müsabiqələrdə verilən mükafatlar bir növ bəxşiş hesab olunur.

Xüms barədə bir neçə məşhur mərcəi-təqlidin nəzəri kitabı


more post like this