islamic mənbələri

    1. home

    2. article

    3. Pislik

    Pislik

    Pislik
    Rate this post

     

     

    1004. Yaxşılıq və pisliyin meyarı

    Quran

    «Sizin üçün cihad təyin edildi, o da sizin xoşunuza gəlmir. Nə çoxdur sizin xeyrinizə olan, ancaq xoşunuza gəlməyən şey. Nə çoxdur sizin xoşunuza gələn, ancaq ziyanınıza olanlar. Allah bilir, sizsə bilmirsiniz.»[1]

    «İnsan xeyir dua etdiyi kimi, şər dua da edər. İnsan həmişə tələsəndir.»[2]

    Hədis:

    3235. İmam Əli (ə):«O yaxşılıq ki, onun arxasında atəş var, yaxşılıq deyil. O pislik ki, sonunda Cənnət var, pislik deyil. Cənnətlə müqayisədə hər bir nemət kiçik və dəyərsizdir. Cəhənnəmin müqabilində hər əziyyət və bəla, salamatlıqdır.»[3]

    3236. İmam Əli (ə) :«Sübhan olan Allah hidayət edən bir kitab göndərdi və onda yaxşı ilə pisi bəyan etdi. Belə isə, yaxşılıq yolunu seçin ki, hidayət olasınız. Pislik yolundan da uzaqlaşın ki, məqsədə çatasınız.»[4]

     

    1005. Pisdən də pis

    3237. Allahın Peyğəmbəri (s) :«İki işdən üstün heç bir xeyir yoxdur:  Allaha iman və Allah bəndələrinə xeyir vermək. İki işdən də böyük şərr yoxdur: Allaha şərik qoşmaq və Allahın bəndələrinə ziyan vurmaq.»[5]

    3238. İmam Əli (ə) :«Pisdən daha pis olan onun cəzası, yaxşıdan daha yaxşı isə onun mükafatıdır.»[6]

    3239. İmam Əli (ə):«Pislik edən, pislikdən daha pisdir.»[7]

     

    1006. Pisliklərin açarları

    3240. İmam Baqir (ə):«Allah-taala pisliyə qıfıllar qoymuş və bütün bu qıfılların açarını şərabda qərar vermişdir. Yalan isə şərabdan da pisdir.»[8]

    3241. İmam Sadiq (ə) :«Qəzəb, bütün pisliklərin açarıdır.»[9]

    1007. Şərr toplusu

    3242. Allahın Peyğəmbəri (s):«İblis öz şeytanlarına dedi:«Sizə əti, məstedici şeyləri və qadınları (nəzərinizdə saxlamağı) tövsiyyə edirəm. Çünki bu üç şeydən başqa pislikləri hazırlayan heç nə tapmıram.»[10]

     

    1008. Şər insanın təbiətindədir

    3243. Allahın Peyğəmbəri (s) :«Xeyir iş görmək üçün özünüzü zəhmətə salın və bu yolda nəfslərinizlə mübarizə aparın. Çünki insanın təbiətində şər qoyulmuşdur.»[11]

    3244. İmam Əli (ə):«Öz nəfsini fəzilətləri qəbul etməyə məcbur et. Çünki rəzalətlər sənin təbiətində qoyulmuşdur.»[12]

    Mizanul-hikmətin xülasəsi 1-ci cild

     

     

     

     



    [1] Bəqərə, ayə 216

    [2] İsra, ayə 11

    [3] Nəhcül-Bəlağə, xütbə 387

    [4] Nəhcül-Bəlağə, xütbə 167

    [5] Biharul-Ənvar, c.77,səh.137 , hədis 2

    [6] Nəhcül-Bəlağə, xütbə 114

    [7] Nəhcül-Bəlağə, hikmət 32

    [8] Biharul-Ənvar, c.72,səh. 236 , hədis 3

    [9] Biharul-Ənvar, c.73,səh. 263 , hədis 4

    [10] Biharul-Ənvar, c.62, səh. 293

    [11] Tənbihul-Xəvatir, c.2,səh.120

    [12] Ğurərul-Hikəm,hədis 2477